Si të shtoni një produkt të ri nga paneli si shitës?

Pasi dyqani juaj është aprovuar dhe ju jeni regjistruar si shitës, keni të drejtë që të hyni dhe të regjistroni produktet që keni apo shërbimet që ofroni.

Në këtë blog-post do t’ju tregojmë hap pas hapi se si të bëni futjen e produkteve tuaja.

Pasi vendosim kredencialet për t’u loguar, shkojmë tek Produkte --> Produktet.

Do ju shfaqen produktet që keni regjistruar dhe në të djathtë keni një buton Plus (+), ku mund të shtoni një produkt të ri.

Pasi shtypni butonin do ju hapet një faqe në të cilën duhet të vendosni të dhënat në lidhje me produktin.

Emrin e Produktit, Kategorinë në të cilën bën pjesë produkti, Çmimin në Lekë të produktit, Një përshkrim të plotë për produktin (cilat janë cilësitë, funksionet që kryen produkti, etj.).

Te pjesa e imazhit shtypni Select Image, ku mund të ngarkoni foto të imazheve të produkteve tuaja.

Tek seksioni i Inventory tek i disponueshëm duhet të vendosni sasinë që keni në dispozicion për produktin që jeni duke shtuar.

Më pas kaloni poshtë tek seksioni Më shumë dhe shkruani tek Search Words fjalë të ndryshme kyçe në lidhje me produkin tuaj.

Pasi të mbaroni më këtë faqe shkoni në fillim dhe klikoni SEO, këtu duhet të plotësoni me fjalë kyçe të reja ose të njëjta me ato të Search Words, aty ku lexon Meta Keywords.

Nga SEO kaloni tek Quantity Discount (Këtë duhet ta plotësoni vetëm nëse doni të bëni zbritje në sasi për produktin që po shtoni. Nëse nuk dëshironi të bëni zbritje kaloni tek Add-ons. Këtu zgjidhni tek Facebook, Object Type --> Product.

Me pas shkoni poshtë tek Koha e Kthimit ku ju sugjerojmë të shkruani 3 ditë.

Pasi bëni plotësimin e të gjitha këtyre shtypni butonin Krijo që gjendet sipër në të djathtë të faqes.

Më pas do ju shfaqen në fillim të faqes disa menu të reja. Shkoni tek Karakteristikat dhe do të plotësoni me radhë karakteristikat që ka produkti juaj.

Tek e para do të zgjidhni dyqanin tuaj.

Nëse produkti juaj ka Bateri vendosni fuqinë apo llojin e baterisë që i përshtatet. Tek Dimensonet vendosni përmasat e produktit tuaj. Nëse produkti juaj është nga një Markë e caktuar duhet të vendosni emrin e markës, më pas zgjidhni Masën e produktit, Materialin e me radhë, bazuar në karakteristikat që ka produkti juaj. Në rast të kundërt fushat lerini bosh.

Në fund keni Ngjyrat, ku mund të zgjidhni ngjyrat në të cilat keni produktin tuaj. Këtu keni të drejtë të zgjidhni vetëm një ngjyrë. Më pas shtypni Ruaj.

Nëse produkti juaj është në më shumë se një ngjyrë gjendje atëherë për të zgjedhur ngjyrat e tjera shkoni tek Variations--> Add Variation --> Create New Products, zgjidhni edhe ngjyrat e tjera dhe më pas Add Variations. Pas kësaj do ju shfaqet produkti me ngjyrat e ndryshme, shtypni Ruaj.

Pas kësaj shkoni tek faqja kryesore e platformës dhe do të shikoni tek Të Rejat produktin e shtuar.